Bidaiariak garraiatzeko trakzio elektrikoko tren unitate baten bizi zikloaren analisia.

Construcciones y Auxiliar de Ferrocarriles–CAF enpresan CIVITY izenez ezagutzen den plataformaren bidaiariak garraiatzeko trakzio elektrikoko tren unitate batean bizi zikloaren analisia gauzatu da. Trenak bizi-ziklo osoan ingurumenean duen eragina balioestea zen helburua, baita CAFeko ingeniaritza-prozesuetan aplikatzeko ekodiseinu metodologiak eta tresnak sortzea eta ezartzea ere. EPD International erakundearen «Product category rules for preparing an environmental product declaration for Rail Vehicles – PCR 2009:05» arau boluntarioaren gidalerroak jarraitu dira eta, hala, ziurtatutako produktuaren ingurumen-adierazpena garatu eta lortu nahi da.