Anhidrita morteroaren eta zementu morteroaren arteko bizi zikloaren analisiaren konparazioa.

Proiektu honen helburu nagusia ingurumen-eragina konparatzea da, ligatzaile ezberdinekin sortutako bi morteroren bizi-zikloaren analisiaren bidez, hain zuzen: Portland 42,5 zementua eta anhidrita, HFren fabrikaziotik deribatutako hondakina. Bizi zikloaren analisiaren emaitzen arabera, anhidrita morteroak du eragin txikiena ingurumenean, 46,8 kg CO2 isurtzen dituelako m3-ko, zementu-morteroak isurtzen dituen 390 kg-ekin alderatuta. Horrenbestez, % 88ko isurpen murrizketa eragiten du. Proiektu honen bidez, Derivados del Flúor SAk eta Anhivel Soluciones Anhidrita SLk ekodiseinuaren metodologiarekin lehen harremana izan dute.