Oinetako industriarako eta hari lotutakoentzako ekodiseinua.

Oinetakoen Errioxako Zentro Teknologikoak sektore horretako eta horrekin lotutako enpresentzako zerbitzu bat jarri nahi du abian, oinetako baten bizitza zikloko etapa guztien ingurumen-eragina txikitzeko. Ekodiseinu ikasgelak zerbitzua babestu du teknikariei bizi zikloaren analisiari eta software tresnei buruzko trebakuntza emanez, eta hainbat oinetako modelo aztertuz. Emaitza moduan, aztertutako oinetakoen ingurumen-eragina % 10 eta % 15 artean murriztu da. Era berean, hainbat fabrikazio prozesutarako eta materialetarako ingurumen-adierazleak sortu dira, adibidez, kromoz ondutako larrua eta landare larrua lortzeko prozesuetarako.