Osagai desberdinen ingurumen inpaktuaren analisirako software erreminta baten garapena eta 500 serieko sarraila baten ingurumen inpaktuaren eta bizi zikloaren analisia

Proiektu hau MCM (Metalúrgica cerrajera de Mondragón S.L) enpresarentzat software erreminta bat garatzean zetzan, zeina enpresak iadanik daukan ERP (Enterprise Resource Planning) kudeaketa erremintan integraturik, edozein artikuluren BZA (Bizi zikloaren analisia) egiteko gai den. Bestaldetik, erreminta profesional batekin lortutako datuak eta ERP erremintak ematen dituenekin egiaztatzeko, sarraila baten ingurumen inpaktuaren azterketa egin da, honela, garatutako erremintaren eraginkortasuna aztertzea ahalbidetu delarik.

Azkenik, sarraila horretarako aldaketa ideia batzuk sartu dira, honela beronen ingurumen inpaktua nola murrizten den ikusi da.