ENPRESA NAIZ

ENPRESA NAIZ

Ihobe Eusko Jaurlaritzaren Ingurumen Jarduketarako Sozietate Publikoa liderra da enpresei ekonomia deskarbonizatu eta zirkular baterako trantsizioan laguntzen. Ekonomia zirkularrak eta klima-aldaketak dakartzaten erronken aurrean, garapen jasangarriko eredu bat bultzatzen da. Eredu horretan, produktuen, materialen eta baliabideen balioari ahalik eta denbora luzeenean eusten zaio ekonomiaren barruan, eta, horren bidez, hondakinen sorkuntza murrizten da eta hondakin horiek produkzio-ziklo berrietan berrerabiltzeko aukera sustatzen da.

Zer zerbitzu eskaintzen dizkie Basque Circular Hub sareak enpresei?

Aldaketa errazteko, ekonomia zirkularreko hainbat zentro aurreraturekin osatutako Basque Circular Hub Sarea ezarri du Ihobek. Zentro horiek berrikuntza-plataformak dira, eta, bertan, ekintzailetza berdeko ekimen berriak sustatzen dira, gure enpresen lehiakortasuna hobetzeko. Basque Circular Hub sareak enpresei eskaintzen dizkien zerbitzuen artean, honako hauek aipa daitezke:

  • Prestakuntza aurreratua: Ekonomia zirkularrean, deskarbonizazioan eta lotutako gaietan espezializatutako hainbat ikastaro eskaintzen dira jardunean dauden profesionalentzat.
  • Proiektuetarako laguntza: enpresei ekonomia zirkularra sustatzen duten proiektuak inplementatzeko laguntza ematen zaie hainbat lankidetza-programaren bidez (hala nola Basque Circular Hub-en bitartez prestatutako praktika-programen bidez).
  • BZAren euskal zentroa: ekimen horren helburua da enpresetan Bizi Zikloaren Analisiaren erabilera sustatzea eta, ildo horretan, software espezifikoaren erabilera erraztea eta gazteekin gradu, master edo doktorego amaierako lanen garapenean lankidetzan aritzea.

 

ENPRESA NAIZ atalean, Euskal Autonomia Erkidegoan diharduten enpresek Basque Circular Hub-ek eskaintzen dituen zerbitzuak aztertu ditzakete. Gure webgunea eguneratuta dago une bakoitzean eskuragarri dauden zerbitzuekin. Zerbitzu horiek azpimenuen bidez aztertu daitezke.