Novia Salcedo Fundazioak eta Ihobek CIRCULAR BERRINDARTZEA 2022 programa abiatu dute, bi helbururekin: batetik, Euskadin gazte-enplegua sustatzea eta, bestetik, ETEei ekonomia zirkularrarekin zerikusia duten erronkei aurre egiten laguntzea.

Bi helburu ditu Novia Salcedo Fundazioak eta Ihobe Eusko Jaurlaritzako Ingurumen Jarduketarako Sozietate Publikoak BASQUE CIRCULAR HUBen bitartez antolatu duten programak:

1. Euskadiko enpresei ekonomia zirkularreko proiektuak garatzen laguntzea, beren beharrizan zehatzetara egokituak, ingurumenaren balio-lehiakorra hobetzeko;
2. Talentu gazteei ekonomia zirkularraren arloko prestakuntza eta lan-munduarekin lehen harremana eskaintzea, eta, hala, gazteen enplegua sustatzea arlo berdean.

HARTZAILEAK:

Programa honako hauei zuzenduta dago:

1. Enpresa pribatuei, batez ere industria-sektoreko ETEei, bai eta konponketa-zerbitzu aurreratuei eta industria-sektorearekin lotutako beste zerbitzu batzuei ere, eta
2. Tarteko eragileei, elkarteak eta klusterrak kasu,
   baldin eta egoitza soziala edo gutxienez jarduera-zentro bat Euskal Autonomia Erkidegoan badaukate.

Programan parte hartu ahal izango dute Ihoberen laguntza-programetako proiektuetan parte hartzen ari diren enpresek (adibidez, ETE Zirkularra edo Ekoberrikuntza Zirkularra), betiere, gazteari atxikitako proiektuak ez badu enpresako langileen kostuak ordaintzeko laguntzarik jasotzen.

Enpresa parte-hartzaileen kopuruak gazteena gainditzen badu, honako lehentasun-irizpide hauek aplikatuko dira:

1. Irizpidea: enpresaren jarduera, baldin eta ingurumenaren arloko bekadunen praktika-programen aurreko edizioetan parte hartu badu, esaterako Reactívate izenekoan.
2. Irizpidea: Ihobek abian dituen beste laguntza-programa batzuetan parte hartu izana enpresak. ETE Zirkularra eta Ekoberrikuntza Zirkularraren Programan parte hartzen ari diren enpresak lehenetsiko dira.
3. Irizpidea: enpresen lurralde-ordezkaritza, lurralde historikoen arabera. Enpresen % 50 Bizkaian, % 30 Gipuzkoan eta % 20 Araban izatea da helburua.
4. Irizpidea: enpresaren tamaina. ETEak lehenetsiko dira.
5. Irizpidea: sektoreak. 2030eko Euskadiko Ekonomia Zirkularraren Estrategiarako garrantzi berezia duten sektoreei emango zaie lehentasuna.
   - Makinak eta ekipamenduak
   - Garraiobideetarako osagaien fabrikazioa
   - Metalaren eraldaketa
   - Kimikoa, plastikoaren eraldaketa barne
   - Eraikuntza
   - Elikadura
   - Ontziak
   

ESKATZEKO EPEA: 2022ko martxoak 15

Bekek ezingo dituzte inola ere langileak ordezkatu.