GAZTEEK ENPRESETAN PRAKTIKAK EGITEKO PROGRAMA, EKONOMIA ZIRKULARREKO PROIEKTUAK GARATZEKO

Ihobe, S.A.k programa berri bat abiatu du ekonomia zirkularreko proiektuak enpresetan garatzeko, praktiketan ari diren gazteen sostenguarekin, ekonomia zirkularraren arloko adituen tutoretzapean.

Programa antolatu da BASQUE CIRCULAR HUB - Euskadiko ekonomia zirkularreko zerbitzu aurreratuen zentroaren bidez. Ihobe sozietate publikoak kudeatuta, zentroa erakunde hauen arteko lankidetza publiko-pribatuaren emaitza da: Eusko Jaurlaritza, Bilboko Udala, Gasteizko Udala, Deustuko Unibertsitatea, UPV/EHU Euskal Herriko Unibertsitatea, Mondragon Unibertsitatea, Nafarroako Unibertsitatearen Tecnun-Ingeniaritza Eskola (Donostiako Campusa) eta Tknika – Euskadiko LHaren Ikerketa Aplikatuko Zentroa. Halaber, programa honek Novia Salcedo Fundazioaren lankidetza ere badu.

Programak helburu hirukoitza lortu nahi du:

• euskal enpresei –batez ere ETEei- laguntzea klima-neutraltasunari lotutako erronkei aurre egiten, ekonomia zirkularreko proiektuak garatzearen bidez.
• gazteak ekonomia zirkularraren inguruan trebatzea, prestakuntza arautua gaur egun bertara iristen ez baita, gazte-talentuaren enplegagarritasuna hobetzen laguntzeko.
• merkatuak ekonomia zirkularraren aldetik duen beharrari erantzutea, arlo horretan prestatutako pertsonala eskainiz.

Horrenbestez, programak bi hartzaile mota ditu:

1. Gazteak, graduko azken urtean edo langabezian daudenak. Gazte horiek, Basque Circular Huben prestakuntza-aldi bat bete ondoren, praktika bat garatuko dute atxikitako enpresetan, horien beharretara egokitutako proiektu bat garatuz eta inplementatuz.
2. Enpresak: gazteak hartuko dituzte eta ekonomia zirkularreko proiektu batean kokatuko dituzte, praktikaren bidez euren prestakuntza osatu dezaten.

Programak Ekonomia Zirkularraren arloan planteatu litezkeen hiru lerro hartzen ditu barne:

• 1. Lerroa. “Neurtu”, ingurumen-ebaluazioa enpresari aplikatuta.
• 2. Lerroa. “Ekodiseinatuz”, ingurumen-azterketa eta produktu eta zerbitzuen ekodiseinua.
• 3. Lerroa. “Murriztearren”, murrizteko neurtu.

Erakunde eragileak:

Erakunde laguntzaileak:

NORENTZAT:

Programa enpresa pribatuei zuzentzen da, batez ere sektore industrialeko ETEei, eta baita konponketa-zerbitzu aurreratuei eta sektore industrialarekin lotutako beste zerbitzu batzuei ere; bete beharreko baldintza da sozietate-helbidea Euskal Autonomia Erkidegoan izatea, edo gutxienez jarduera-zentro bat izatea berton, proiektua hortik garatzeko.

Euskadiko Ekonomia Zirkularraren 2030erako Estrategiarekin bat etorriz, honako sektore hauek lehenetsiko dira:

• Makineria eta ekipoak.
• Garraiobideetarako osagaien fabrikazioa.
• Metalaren transformazioa.
• Kimikoa, plastikoaren transformazioa barne sartuta.
• Eraikuntza.
• Elikagaiak.
• Ontziak.

PROGRAMAREN IRIZPIDEAK:

1. LERROA: “Neurtu”, ingurumen-ebaluazioa enpresari aplikatuta.

• Programak langabe gazteak –gehienez 6- jarriko ditu enpresen esku. Gazte horiek unibertsitateko gradu teknikoetako titulatuak izango dira eta Euskadin bizi beharko dute.
• Gazte horiek Ihobek emandako prestakuntza-ikastaro bat jasoko dute. Ikastaro horrek 80 ikastordu izango ditu guztira, bloke hauetan banatuta:
  • Deskarbonizaziorako Ekonomia Zirkularra.
  • Ekonomia Zirkularrerako eta deskarbonizaziorako estrategiak.
  • Enpresaren ingurumen-kudeaketarako tresnak.
  • Ingurumen-ebaluazioaren metrikak: antolaketa eta produktua.
  • Bizi-zikloaren Azterketa.
  • EPD.
  • BZAren tresnak: Simapro
  • BZAren tresnak: Open LCA
• Prestakuntza maiatzean egingo da, formatu mistoan (online eta presentziala); prestakuntza presentziala Basque Circular Huben Gasteizko eta Bilboko egoitzetan izango da (egun batzuk egoitza bakoitzean).
• Prestakuntza-aldiaren ostean, gazteek ordaindutako praktika bat garatu ahal izango dute programari atxikitako enpresetan, ekonomia zirkularrarekin lotutako askotariko proiektutan integratuz, bai antolaketara zuzenduta eta bai produktura zuzenduta.
• Gazteen lankidetza jaso lezaketen proiektuen artean, honako hauek nabarmentzen dira: ingurumenaren arloko bizi-zikloaren azterketen garapena; ingurumen-metrikak enpresan kalkulatzea eta aztertzea (adierazleak, ingurumen-aztarna, karbono-aztarna, etab.); ekodiseinu-proiektuak; produktuaren ingurumen-adierazpena edo ingurumen etiketatzea garatzea; ErP zuzentarauko materialen erabilera efizienteagoarekin lotutako betekizun berrien aplikazioa (iraunkortasuna, konpongarritasuna, birmanufakturatzeko ahalmena, birziklagarritasuna,…).
• Enpresan egingo den praktikaren iraupena 6 hilabete izango dira. Aldi hori gehienez beste 6 hilabeteraino luzatu ahal izango da, bi alderdiak ados egonez gero (enpresa eta gaztea).
• Gaztearen dedikazioa 7 ordukoa izango da egunean. Lehentasuna emango zaio modu presentzialean aritzeri, baina telelanari buruzko akordio espezifikoak ere egin ahal izango dira.
• Praktika hasteko eguna enpresaren eta gaztearen artean adostuko da, eta ekainaren 5etik uztailaren 1era bitartekoa izan beharko da.
• Proiektuaren garapenaren lehenengo 4 hilabeteetan gazteek tutoretza zerbitzu bat izango dute Ihobeko teknikari espezializatu batekin (ordubeteko tutoretza bi astetik behin, eta zalantzak argitzeko saio bat astean behin).
• Horrez gain, astean ordubete bat utziko da karakterizazio-faktore espezifikoak bilatzeko, Basque Circular HUBen egoitzetan. Era horretan, gazteek euren prestakuntza zabaldu ahal izango dute eta SimaPro programaren datu-baseak erabili. Nolanahi ere, enpresen proiektuak ezin izango dira Ihoberen SimaPron egin.
• Enpresak tutore bat izendatuko du, gazteaz enpresan arduratu dadin. Pertsona horrek Novia Salcedoren Tutoretza Eskolak emandako tutore-tituluaren jabe izan behar du. Tutulu hori ez badauka, tutoreak ikastaroa egin beharko du (ikus baldintza ekonomikoak).

ENPRESETARAKO BALDINTZA EKONOMIKOAK:

Programak Ihobe – Eusko Jaurlaritzako Ingurumen Jarduketarako Sozietate Publikoaren finantziazioa du, honek bere gain hartuko baititu prestakuntza ematearen eta proiektuen tutoretzaren kostuak.

Gazteentzako zuzkidura ekonomikoa 965 € izango dira, hilean.

Enpresak izango duen kostua, berriz, 7.715,93 € izango dira, honako hau barne sartuta: zuzkidura, gizarte-segurantza eta hitzarmenaren kudeaketa-gastuak 6 hilabeteko praktika baterako.

Novia Salcedo Fundazioa arduratzen da gazteekiko hitzarmena kudeatzeaz, eta baita Gizarte Segurantzako kotizazioaren altak eta bajak ere kudeatzeaz, praktika-aldiak dirauen bitartean. Gainera, Novia Salcedo Fundazioak enpresarekiko harremana ezarriko du.

Enpresako tutoreak Novia Salcedo Fundazioaren Tutoreen Eskolako ziurtagiri bat izan beharko du. Ez badu ziurtagiri hori, enpresek eskuratu ahal izango dute Novia Salcedo Fundazioak ematen duen prestakuntza-ikastaroa eginez. 8 orduko prestakuntza-ikastaro bat da, online ematen dena, praktika-aldiaren 6 hilabeteetan. Prestakuntzak badu bere kostua (400 € + BEZ), baina horren zati bat Fundaeren hobari batez ordaindu daiteke.

ESKAERA EGITEKO EPEA: 2023ko apirilak 21

Bekek ezin dute inola ere langilerik ordeztu.

Programan parte hartzeko interesa duten enpresak esteka honen bidez inskribatu ahal izango dira: https://forms.office.com/e/yqJvUfK33u

INFORMAZIO GEHIAGO:

basquecircularhub@ihobe.eus

2. LERROA: Ekodisenatuz – Ingurumen-azterketa eta produktu eta zerbitzuen ekodiseinua

• Programak unibertsitateko gradu teknikoen azken ikasturtean dauden eta Euskadin bizi diren 20 gazte ditu eskuragarri, gehienez.
• Prestakuntza arlo horretan adituak diren pertsonek emango dute, Ihobek kontratatuta, eta guztia 60 ikastordu izango ditu, bloke hauetan banatuta:
  • Ekonomia zirkularrari buruzko sarrera
  • Ekodiseinu eta Ekonomia Zirkularreko Estrategiak.
  • Enpresaren ingurumen-kudeaketarako tresnak.
  • Bizi-zikloaren Azterketa.
  • EPD.
  • BZAren tresnak: Simapro
  • BZAren tresnak: Open LCA
• Prestakuntza ekinean eta uztailean egingo da, formatu mistoan (online eta presentziala); prestakuntza presentziala Basque Circular Huben Bilboko egoitzan izango da.
• Prestakuntza-aldiaren ostean, gazteek ordaindutako praktika bat garatu ahal izango dute programari atxikitako enpresetan, ekonomia zirkularrarekin lotutako proiektutan integratuz, produktu edo zerbitzura zuzenduta soilik, ez antolaketara
• Gazteen lankidetza jaso lezaketen proiektuen artean –produktu-ikuspegia duten proiektuak- honako hauek nabarmentzen dira: ingurumenaren arloko bizi-zikloaren azterketen garapena; ingurumen-metrikak enpresan kalkulatzea eta aztertzea (adierazleak, ingurumen-aztarna, karbono-aztarna, etab.); ekodiseinu-proiektuak; produktuaren ingurumen-adierazpena edo ingurumen etiketatzea garatzea; ErP zuzentarauko materialen erabilera efizienteagoarekin lotutako betekizun berrien aplikazioa (iraunkortasuna, konpongarritasuna, birmanufakturatzeko ahalmena, birziklagarritasuna,…).
• Enpresako praktika-aldiak 5 hilabeteko iraupena izango du; bertan, gazteak 4 orduko dedikazioa izango du egunean, formatu presentzialean, klasera ere joan ahal izateko egun horietan. Elkarren artean adostuta, enpresak eta gazteek hitzarmena luzatu ahal izango dute, adosten diren baldintzetan.
• Praktika hasteko eguna enpresaren eta gaztearen artean adostuko da, eta uztailaren 17tik urriaren 30era bitartekoa izan beharko da.
• Proiektuaren garapenaren lehenengo 5 hilabeteetan gazteek tutoretza zerbitzu bat izango dute Ihobeko teknikari espezializatu batekin (ordubeteko tutoretza bi astetik behin, eta zalantzak argitzeko saio bat astean behin).
• Horrez gain, astean ordubete bat utziko da karakterizazio-faktore espezifikoak bilatzeko, Basque Circular HUBen egoitzetan. Era horretan, gazteek euren prestakuntza zabaldu ahal izango dute eta SimaPro programaren datu-baseak erabili. Nolanahi ere, enpresen proiektuak ezin izango dira Ihoberen SimaPron egin.
• Enpresak tutore bat izendatuko du, gazteaz enpresan arduratu dadin. Pertsona horrek Novia Salcedoren Tutoretza Eskolak emandako tutore-tituluaren jabe izan behar du. Tutulu hori ez badauka, tutoreak ikastaroa egin beharko du (ikus baldintza ekonomikoak).

ENPRESETARAKO BALDINTZA EKONOMIKOAK:

Programak Ihobe – Eusko Jaurlaritzako Ingurumen Jarduketarako Sozietate Publikoaren finantziazioa du, honek bere gain hartuko baititu prestakuntza ematearen eta proiektuen tutoretzaren kostuak.

Gazteak enpresarekin izango duen lotura hezkuntza-lankidetzako hitzarmen bat izango da, unibertsitatearen, enpresaren eta gaztearen artekoa. Ihobek gaztearen eta enpresaren lotura erraztuko du, baina enpresaren ardura izango da unibertsitatearekiko hitzarmena kudeatzea, eta baita Gizarte Segurantzako kotizazioaren altak eta bajak ere kudeatzea, praktika-aldiak dirauen bitartean. Praktikak bi zati izango ditu: praktika curricularrak (irakasgai bati lotuak) eta curriculumetik kanpoko praktikak.

Gazteentzako zuzkidura ekonomikoa 500 € izango dira, hilean.

Enpresak izango duen kostua, berriz, 2.848,54 € izango dira, eta honako hau hartzen du barne: zuzkidura eta gizarte-segurantza 5 hilabeteko praktika baterako.

ESKAERA EGITEKO EPEA: eskaera egiteko epea 2023ko uztailaren 5ean amaituko da. Praktiketara asignatuta ez dagoen gazterik egonez gero, egun horren ostean ere eskaerak onartu ahal izango dira.

Bekek ezin dute inola ere langilerik ordeztu.

Programan parte hartzeko interesa duten enpresak esteka honen bidez inskribatu ahal izango dira: https://forms.office.com/e/67J6u51pWy

INFORMAZIO GEHIAGO:

basquecircularhub@ihobe.eus

3. LERROA: MURRIZTEARREN – MEDIR PARA REDUCIR

• Programaren xedea hirukoitza da:
  • Euskal ETEetan ingurumen-metriken kalkulua modu masiboan hedatzea, hala nola karbono-aztarnak eta ingurumen-aztarnak, deskarbonizazio-helburuak ezartzea eta enpresetan lan-ildo posibleak planteatzea.
  • Parte hartzen duten bitarteko eragileei / enpresa handiei enpresei laguntzeko lan-ildo posibleak identifikatzeko aukera ematea.
  • Gainera, gazteen enplegagarritasuna hobetzen laguntzea, beren prestakuntza-prozesuan ekonomia zirkularraren kontzeptuak sartuz.
• Programak 20 plaza ditu, gehienez, langabezian dauden gazteentzat. Bitarteko eragiletan edo enpresa handitan prestakuntza eta praktikak egingo dituzte, ETEei (azken onuradunei) zerbitzua emanez.
• Bitarteko eragile edo enpresa handi bakoitzak 3 gazte hartu ahal izango ditu gehienez, eta bakoitzak 3, 4 edo 5 ETEri eman ahal izango die zerbitzua (onuradun bakoitzaren konplexutasunaren arabera).
• Prestakuntza Ihobek kontratatutako arloko espezialistek emango dute, eta 70 eskola-ordu izango ditu guztira, honako bloke hauetan banatuta:
  • Oinarrizko ezagutzak:
    • Ekonomia zirkularra deskarbonizatzeko
    • Ekodiseinuko eta ekonomia zirkularreko estrategiak
    • Enpresaren ingurumen-kudeaketarako tresnak
    • Bizi-zikloaren analisia – BZA
    • Ingurumen-ebaluazioko metrikak
  • Enpresari aplikatutako metriken tresna
    • Aztarnak kalkulatzeko Ihoberen tresna integratua
  • Deskarbonizazio-helburuak
    • Deskarbonizazio-helburuen planteamendua
  • Lan-ildoak identifikatzea
    • Ibilbide-orria planteatzea
• Prestakuntza urriaren 16tik azaroaren 13ra egikarituko da, online eta aurrez aurreko formatuetan.
• Prestakuntza-aldiaren ondoren, gazteek ordaindutako praktika bat garatuko dute programari atxikitako bitarteko eragileetan /enpresa handietan, erakunde horietan sartuta dauden ETEei lagunduz. Gazteek enpresa onuradunetan garatu beharreko proiektua proiektu itxia izango da, eta barnean hartuko ditu antolakuntzako ingurumen-aztarnaren eta karbono-aztarnaren kalkulua, zientzian oinarritutako deskarbonizazio-helburuen planteamendua eta helburu horiek lortzeko enpresaren lan-ildoen proposamena.
• Emaitzak ETE onuradunentzat
  • Karbono-aztarnaren kalkulua, 1., 2. eta 3. irismena, eta ingurumen-aztarnaren kalkulua Ihoberen web-tresnan. 1. eta 2. Irismena duen karbono-aztarnaren kalkulua Ministerioaren Karbono-aztarnaren Erregistroan inskribatu ahal izango du enpresak, eta horrek Ministerioaren “Kalkulua” zigilua eskuratzea bermatzen du.
  • Ihoberen web-tresna, enpresaren berariazko kasurako konfiguratua, etorkizuneko urteetako aztarnen kalkuluak erraz errepikatu ahal izateko.
  • Amaierako txostena, honako hauek barne hartuz:
    • Aztarnen emaitzen aurkezpena eta analisia
    • Zientzian oinarritutako deskarbonizazio-helburuen kalkulua
    • Ekonomia zirkularraren eta deskarbonizazioaren arloko lan-ildo posibleak
• Aztarnak kalkulatzeko, Ihobek garatutako web-tresna integratua erabiliko da. Salbuespen gisa, 3. mailako karbono-aztarna eta ingurumen-aztarna kalkulatzeko tresna propioak garatu dituzten sektoreek beren tresnak erabili ahal izango dituzte.
• Ihobek material, formatu eta tresna estandarrak sortuko ditu, eta horiek gazteei modu koordinatuan lan egiteko aukera emango diete.
• Praktikak 6 hilabete iraungo du enpresan, eta gazteak 7 ordu emango ditu egunean formatu presentzialean, proiektuak koordinatuko dituzten bitarteko eragileetan.
• Praktika hasteko data enpresaren eta gaztearen artean adostuko dute, baina uztailaren 17tik urriaren 30era bitartean hasi beharko da.
• Proiektua garatuko den 6 hilabeteetan, gazteek tutoretza-zerbitzu bat izango dute Ihoberen teknikari espezialista batekin (bi astean behin ordubeteko tutoretza, eta zalantzak astean behin argitzeko aukera).
• Praktikaren hasiera-data bitarteko eragilearen /enpresa handiaren eta gaztearen artean adostuko da, eta azaroaren 15etik abenduaren 13ra bitartean hasi beharko da. Nolanahi ere, bitarteko eragile berari atxikitako gazte guztiek aldi berean hasi beharko dute praktika.

ENPRESENTZAKO KOSTU EKONOMIKOA:

Ihobek % 100 finantzatutako praktikak; bertan sartuta daude zuzkidura ekonomikoa (965 €/hilabete), gizarte-segurantza eta beken kudeaketa-gastuak. Halaber, tutoretzak % 100 Ihobek finantzatuta daude. Hori praktikaren lehen 5 hilabeteetara mugatzen da.

Finantzaketak ez ditu estaltzen gazteek enpresa onuradunetara egiten dituzten joan-etorrien gastuak, ekipo informatikoen kostua edo aurreko paragrafoan zehaztu ez den beste edozein kontzeptu.

Bitarteko eragilean edo enpresa handian tutoreak Novia Salcedo Fundazioko Tutoreen Eskolaren ziurtagiria izan beharko du. Ziurtagiri hori eduki ezean, enpresek Novia Salcedo Fundazioak ematen duen prestakuntza-ikastaroa eginez lortu ahal izango dute. 8 orduko ikastaroa da, online emana, praktikaren 6 hilabeteetan zehar. Prestakuntzaren kostua (400 €+BEZ) zati batean Fundae bidez hobari gisa eman daiteke eta hori ez du Ihobek finantzatuko.

INFORMAZIO GEHIAGO:

Ikus erantsi ditugun programaren oinarriak: Programa | Flyer

Ana MezoAna.Mezo@ihobe.eus