Prestakuntza aurreratuko zerbitzuaren esparruan, Basque Circular HUBek gazteei zuzendutako prestakuntza-programa bat antolatzen du urtero. Prestakuntza Euskadin bizi diren eta langabezian dauden gazteei eta/edo ikasketetako azken urtea egiten ari diren ikasleei zuzenduta dago.

Programak ekonomia zirkularraren arloko doako prestakuntza eta enpresan ordaindutako praktikak egiteko aukera barne hartzen ditu, gaian adituak diren tutoreen laguntzarekin. Horrela, gazteen enplegagarritasuna hobetzea eta merkatuaren eskaria lan-eremu horretan trebatutako pertsonekin betetzea bilatzen du.

Zehazki, prestakuntza ekintza berariazko 5 programaren bidez egituratzen da, praktiken tipologiaren arabera:

1. AURREIKUSI – Ingurumen zaintza estrategikoa: Ingurumen zaintza estrategikoko proiektuak egitera bideratutako prestakuntza, ingurumen arloan euskal enpresentzako aukerak edo administrazio publikorako lan ildoak sor ditzaketen berrikuntzak sistematikoki identifikatzeko. Praktikak Basque Circular Hub-en egingo dira.
2. NEURTU - Enpresari aplikatutako ingurumen ebaluazioa: Ihobek emandako prestakuntza ikastaroa jaso ondoren, gazteek ordaindutako praktikaldia egingo dute Basque Ecodesign Center-en edo programari atxikitako enpresetan; hala, enpresako ekonomia zirkularrari lotutako proiektuetan txertatuko dira, bai antolaketa ikuspegiarekin, bai produktu/zerbitzu ikuspegiarekin.
3. EKODISENATUZ - Ingurumen analisia eta produktuen eta zerbitzuen ekodiseinua: Gradu teknikoko azken urtean dabiltzan eta Euskadin bizi diren 20 gazterentzako 20 plaza ditu programak; arloko espezialistek emandako prestakuntzaren ondoren, ordaindutako praktikaldia egingo dute programari atxikitako enpresetan, eta, hala, produktuaren ikuspegi esklusiboa duten ekonomia zirkularreko proiektuetan txertatuko dira.
4. MURRIZTEARREN - Murrizteko neurtu: 35 plaza ditu gradu teknikoko unibertsitate titulua duten eta Euskadin bizi diren gazte langabeentzat. Euskal ETEetan ekonomia zirkularra hedatzeko proiektuak garatzera bideratuta dago programa. Praktikak, hain zuzen, Euskadiko ETE Zirkularrari atxikitako kluster eta garapen agentzietan edo Basque Ecodesign Center-eko enpresa traktoreetan egingo dira, non ingurumen metrikak kalkulatzeko proiektuak egingo diren (erakundearen karbono aztarna eta ingurumen aztarna); era berean, zientzian oinarritutako deskarbonizazio helburuen planteamendua egingo da, bai eta helburu horietara iristeko jarduera plan baten proposamena ere.
5. TRAKZIONATUZ – Hornidura katearen eta finantza jasangarrien trakzioa: Prestakuntza honen ardatza da hornidura katearen analisi proiektuak eta ingurumen trakzioa garatzea, baita ingurumen taxonomia proiektuak egitea ere. Praktikak Basque Ecodesign Center-en egingo dira.

Lehen bi programek 2 deialdi izango dituzte urtean zehar. Hona hemen, laburbilduta, prestakuntza programa bakoitza hasteko datak:

Izena emateko epea zabalik dago maiatzerako eta ekainerako aurreikusitako deialdietarako:

AURREIKUSI – Ingurumen zaintza estrategikoa

Prestakuntza: maiatzaren 3tik 26ra

Praktiken hasiera: ekaina

Izen ematea

NEURTU - Enpresari aplikatutako ingurumen ebaluazioa

Prestakuntza: maiatzaren 3tik 9ra

Praktiken hasiera: maiatza

Izen ematea

EKODISENATUZ - Ingurumen analisia eta produktuen eta zerbitzuen ekodiseinua

Prestakuntza: ekainaren 19tik uztailaren 20ra

Praktiken hasiera: uztailetik urrira

Izen ematea

Informazio gehiago hemen