Ihobek ekonomia zirkularreko prestakuntza-programaren 2024ko edizioa ireki du jardunean dauden profesionalentzat

Sozietate Publikoa Ihobe — Tue, 16 Apr 2024 00:00:00 +0200

Karbono-aztarna eta deskarbonizazio estrategiak, gardentasuna eta ingurumen-posizionamendua, ekonomia zirkularrerako ekodiseinua, finantza jasangarriak, eta lehengaiak eta hondakinen kudeaketa dira Ihobe sozietate publikoak ekonomia zirkularrean diharduten profesionalentzat aurkeztu dituen 2024ko ikastaroko gaiak.

Ekonomia Zirkularreko Munduko Kongresuak Euskadi aukeratu du zerbitzu eta prestakuntza zirkular aurreratuen arloan egindako ibilbidea azal dezan

Sozietate Publikoa Ihobe — Thu, 11 Apr 2024 00:00:00 +0200

Euskadi aukeratu da World Circular Economy Forum 2024 mundu-mailako kongresuaren erakusketarako. Hala, Bruselan bilduko dira, apirilaren 18ra arte, ekonomia zirkularreko erakunde eta espezialista nagusiak.

Berrindartzea 2024 Programa Zirkularrak gazteen enplegua bultzatuko du, deskarbonizaziorantz aurrera egiteko

Sozietate Publikoa Ihobe — Wed, 27 Mar 2024 00:00:00 +0100

Eusko Jaurlaritzaren Ingurumen Jarduketarako Sozietate Publikoak (Ihobe) kudeatzen duen Basque Circular Hub-ek Berrindartzea 2024 Programa Zirkularra abiarazi du, Novia Salcedo Fundazioarekin lankidetzan. Programak bi helburu dauzka: Euskadin gazteen enplegua sustatzea eta euskal ETEek ekonomia zirkularrari lotutako erronkei aurre egin ahal izatea.

Erakunde, produktu eta zerbitzuen karbono-aztarna, ingurumen-aztarna eta zirkulartasun-adierazleak modu integratuan neurtzeko lehen kalkulagailua jarri da martxan

Sozietate Publikoa Ihobe — Mon, 25 Mar 2024 00:00:00 +0100

Gaurtik aurrera, eskuragarri dago karbono-aztarna, ingurumen-aztarna eta ekonomia zirkularreko adierazle-multzo bat antolakuntza-ikuspegiarekin kalkulatzeko aukera ematen duen lehen web-tresna. Hauek ere kalkulatzen ditu: karbono-aztarna eta bizi-zikloaren analisi sinplifikatua, produktuen eta zerbitzuen ikuspegitik; hori guztia hasierako informazio berarekin. Ihobek sortu du, Eusko Jaurlaritzaren Ingurumen Jarduketarako Sozietate Publikoak.

Ihobek gida batean bildu ditu erakundeen ESG ebaluazio eta kalifikaziorako sistema nagusiak

Sozietate Publikoa Ihobe — Mon, 19 Feb 2024 00:00:00 +0100

Ingurune global batean, non jasangarritasuna eta erantzukizun korporatiboa gero eta garrantzitsuagoak diren bezeroen, eragile inbertitzaileen eta beste alderdi interesdun batzuen erabakiak hartzeko orduan, Ihobe sozietate publikoak gida bat argitaratu du enpresei beren behar, balio eta helburu estrategikoetara ondoen egokitzen den ESG ebaluazio sistema hautatzeko beharrezkoa den ezagutza emateko.

200 euskal enpresa inguruk ekoberrikuntza zirkularraren aldeko apustua egin dute lehiakortasunerako aukera gisa

Sozietate Publikoa Ihobe — Fri, 16 Feb 2024 00:00:00 +0100

Ihobek, Eusko Jaurlaritzaren Ingurumen Jarduketarako Sozietate Publikoak, "Ekoberrikuntza Euskadin" webgune berria argitaratu du. Bertan, Eusko Jaurlaritzaren Ekoberrikuntza Zirkularreko Programan parte hartzen duten euskal enpresek 2016 eta 2023 artean garatutako 179 proiektuak jasotzen dira. Ihoberen webgune berri hau bakarra da bere jarduketa-esparruan. Bertan, ekodiseinuko lana, ekonomia zirkularreko demostrazioa eta ekoberrikuntza estrategikoko lana zehazten dira. Horiek ere Ihoberen bi argitalpen teknikotan biltzen dira, proiektu bakoitzaren fitxak barne.

Eusko Legebiltzarraren % 82k Trantsizio Energetikoari eta Klima Aldaketari buruzko Legea babestu du eta Tapia sailburuak lege horrek Euskadiren etorkizunerako duen garrantzi instrumentala nabarmendu du

Sozietate Publikoa Ihobe — Thu, 08 Feb 2024 00:00:00 +0100

Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumeneko sailburuak aditzera eman du gaur Eusko Legebiltzarrak onartutako Euskadiko Trantsizio Energetikoari eta Klima Aldaketari buruzko Legea etorkizunean onurak ekarriko dituen arau instrumentala izango dela.

Axular Lizeoa, Alboan, Vitoria-Gasteizko Udala eta Bizislow Euskadiren ordezkariak izango dira 2023ko Hondakinen Prebentziorako Europako Asteko sarietan

Sozietate Publikoa Ihobe — Fri, 24 Nov 2023 00:00:00 +0100

Axular Lizeoa ikastetxeen kategorian da hautagaia; Alboan nazioarteko lankidetzarako fundazioa, elkarteen kategorian; Vitoria-Gasteizko Udala, administrazio publikoen kategorian; eta Bizislow, enpresen kategorian. Lau erakunde horiek Euskadi ordezkatuko dute Hondakinen Prebentziorako Europako Astearen Sarietan, 2024ko ekainean egingo den ekitaldian.

Bost urtean, Euskadik erdira murriztu du hondakin ez-arriskutsuen isurpena

Sozietate Publikoa Ihobe — Thu, 23 Nov 2023 00:00:00 +0100

2018az geroztik, Euskadik % 49 murriztu ditu orain arte zabortegira bideratzen ziren hondakin ez-arriskutsuak, Arantxa Tapia Ekonomiaren Garapen, Jasangarritasun eta Ingurumeneko sailburuak gaur goizean jakinarazi duenez.

Euskadin egindako produktu zirkularren inguruko "Zirkularrak-Circulares" erakusketa Euskadiko Parke Teknologikoko Abantoko Campusean izango da

Sozietate Publikoa Ihobe — Tue, 21 Nov 2023 00:00:00 +0100

Euskadiko Parke Teknologikoko Abantoko Campuseko SEDE-EIC eraikinak hartuko du “Zirkularrak-Circulares" erakusketa. Antolatzailea Ihobe sozietate publikoa da, Eusko Jaurlaritzako Ekonomiaren Garapen, Jasangarritasun eta Ingurumen Sailera atxikita. Bertan, Euskadin egindako produktuak aurkeztuko dira, zehazki, ekodiseinura eta ekonomia zirkularrera bideratutakoak. Erakusketa doanik izango da eta 2023ko abenduaren 19ra zabalik egongo da, kanpuseko SEDE-EIC eraikinean.

Euskal herritarren % 89k uste du kontsumitzaileen erosteko erabakiek eragiten dutela enpresek era jasangarriagoan ekoizteko

Sozietate Publikoa Ihobe — Thu, 16 Nov 2023 00:00:00 +0100

Euskadin, 10 pertsonatik ia 9k uste dute erosketa-erabakiek enpresek modu arduratsuagoan ekoiztea eragin dezaketela, ekonomia zirkularrari eta hondakin-kudeaketari buruzko herritarren pertzepzioaren gaineko azterlanean jasotako emaitzen arabera. Azterlan hori Eusko Jaurlaritzaren Lehendakaritzaren Prospekzio Soziologikoen Kabineteak egin zuen, Ihobe sozietate publikoak eskatuta, 2023ko urriaren 2tik 6ra bitartean hiru lurralde historikoetan telefono bidez egindako mila elkarrizketa oinarri hartuta.

Ihobek Basque Open Industryn aurkeztu ditu 2024an enpresetarako eta industriarako garrantzitsuenak izango diren ekonomia zirkularreko 10 giltzarriak

Sozietate Publikoa Ihobe — Tue, 14 Nov 2023 00:00:00 +0100

Ihobeko zuzendari nagusiak, Alexander Botok, Basque Open Industry —BOI— jardunaldien bigarren egunean parte hartu du, eta energia trantsizioaren eta ingurumenaren gai blokea gidatu du. Horretarako, hurrengo urterako euskal enpresa eta industria sektorearentzat garrantzitsuenak izango diren ekonomia zirkularreko hamar giltzarriak aurkeztu ditu.

Ihobek “KLIMAMETRAJE” gazteen film laburren lehiaketaren bigarren edizioa jarri du abian, larrialdiari eta ekintza klimatikoari buruz sentsibilizatzeko

Sozietate Publikoa Ihobe — Sat, 30 Sep 2023 00:00:00 +0200

Ihobek, Eusko Jaurlaritzako Garapen Ekonomiko, Jasangarritasun eta Ingurumen Sailera atxikitako ingurumen kudeaketako sozietate publikoak, “KLIMAMETRAJE” gazteen film laburren II. edizioa jarri du martxan. Honako gai hau ezarri da: “Ekintza klimatikoa. Zer ekintza egin ditzakegu klima aldaketari aurre egiteko?”. Epaimahaiak kontuan hartuko du ekiten hasteko, klima aldaketa arintzeko eta espero diren inpaktuetara egokitzeko baliagarriak izango diren motibazio mezuak txertatzea.

Ihobek Txileko ekonomia zirkularraren lehen festibala ireki du, lurraldeen garapen jasangarrirako giltzarri gisa zirkulartasuna defendatzeko

Sozietate Publikoa Ihobe — Fri, 29 Sep 2023 00:00:00 +0200

Eusko Jaurlaritzako Ingurumen Jarduketarako Sozietate Publikoak, Ihobek, CircularFest 2023 Txileko ekonomia zirkularreko lehen festibalaren inaugurazio-ekitaldian parte hartu du. CircularTec Ekonomia Zirkularreko Zentro Teknologikoak antolatu du festibala, eta enpresak, gobernuak eta komunitatea bildu ditu, zirkulartasunaren bidez gizarte jasangarriko proiektu komun bati ekarpena egiteko.

Euskadin fabrikatutako produktu zirkularren "Zirkularrak-Circulares" erakusketa Bilbora heldu da

Sozietate Publikoa Ihobe — Fri, 15 Sep 2023 00:00:00 +0200

Irailaren 30era arte, larunbata, Bilbok hartuko du “Zirkularrak-Circulares” Euskadin fabrikatutako produktu zirkularren erakusketa ibiltaria, Konekta – La Perrera udal gunean, ASTEKLIMA Klimaren eta Energiaren Astea ospatzen den une berean. Erakusketak, halaber, herritarrei zein enpresei zuzendutako jarduera paralelo ugari barne hartuko ditu, horien artean “ZIRKULARRAK BIZ: Bizkaian fabrikatutako produktu zirkularrak” izeneko jardunaldia.

ITP Aero eta Petronor euskal industria sarean ekonomia zirkularra sustatzeko Basque Ecodesign Center zentrora batu dira

Sozietate Publikoa Ihobe — Fri, 14 Jul 2023 00:00:00 +0200

ITP Aero eta Petronor enpresak Basque Ecodesign Center zentrora batu dira, hau da, Eusko Jaurlaritzaren eta herrialde osoko konpainia handien arteko lankidetza publiko-pribatuko aliantzara. Helburua ekonomia zirkularrean aplikatutako ezagutza sortzea da, euskal enpresa sarearen zerbitzuan.

UPV/EHUko Enpresari aplikatutako Ekonomia Zirkularreko berezko Masterraren hirugarren promozioa graduatu da

Sozietate Publikoa Ihobe — Fri, 30 Jun 2023 00:00:00 +0200

Gaur, ekainak 30 ostirala, Euskal Herriko Unibertsitateko (UPV/EHU) Ekonomia Zirkularreko Masterraren Hirugarren Edizioaren Amaiera Ekitaldia ospatu da eta 2022/23 ikasturtean graduatutako 20 pertsonei diplomak banatu zaizkie.

Ihobek “Murriztearren” jarri du martxan, praktikan dabiltzan gazteen laguntzarekin ETEetan ekonomia zirkularra bultzatzeko doako programa berria

Sozietate Publikoa Ihobe — Fri, 23 Jun 2023 00:00:00 +0200

Ihobek, Eusko Jaurlaritzako Ingurumen Jarduketarako Sozietate Publikoak, programa berri bat jarri du abian, ETEen deskarbonizazioa bultzatzeko, adituen tutoritzapean praktiketan dabiltzan gazteen laguntzarekin. “Murriztearren: neurtuz eragin”. Helburua da ingurumen metriken kalkulua euskal ETEetan bultzatzea, hala nola karbono aztarnak eta ingurumen aztarnak, deskarbonizazio helburuak ezartzea eta lan ildo posibleen planteamendua egitea.

Eusko Jaurlaritzak enpresa-sarerako dirulaguntza berrien bidez ingurumenaren babesa sustatzen du

Sozietate Publikoa Ihobe — Tue, 20 Jun 2023 00:00:00 +0200

Eusko Jaurlaritzak ingurumena babesteko enpresentzako dirulaguntzen agindu berria onartu du Gobernu Kontseiluak eta 5 milioi euro banatuko ditu.

Cristina Enea Fundazioak ‘Zirkularrak-Circulares’ aurkeztu du, Euskadin ekoiztutako ekonomia zirkularreko produktuen erakusketa

Sozietate Publikoa Ihobe — Mon, 19 Jun 2023 00:00:00 +0200

Donostiako Cristina Eneako Ingurumen Baliabideen Etxea izango da Ihobe Eusko Jaurlaritzako Ingurumen Kudeaketarako Sozietate Publikoak ekoitzitako ‘Zirkularrak-Circulares’ erakusketa ibiltariaren helmuga

Eusko Jaurlaritzak Energia trantsizioari eta klima aldaketari buruzko Lege proiektua onetsi du 2050 aurretik Euskadin klima neutraltasuna lortzeko

Sozietate Publikoa Ihobe — Tue, 16 May 2023 00:00:00 +0200

Eusko Jaurlaritzako Kontseiluak gaur onetsi du Trantsizio energetikoari eta klima aldaketari buruzko Euskadiko Lege proiektua, erantzunkidetasunaren bitartez deskarbonizazio prozesua azkartzeko helburuarekin. Eusko Jaurlaritzako Ekonomia Garapen, Jasangarritasun eta Ingurumen Sailak sustatu du eta lege proiektuak erraztuko du Euskadi lerrokatu ahal izatea estatu eta nazioarte mailan konprometituta dagoen araudi, politika eta plan guztiekin, eta modu horretan, 2050erako klima neutraltasuna eta energia trantsizio bidezkoa lortuko dira.

Europako Batzordeak jarraitu beharreko eredutzat hartu ditu Ihoberen ekoberrikuntza-gida eta produktu zirkularren katalogoa

Sozietate Publikoa Ihobe — Mon, 24 Apr 2023 00:00:00 +0200

Ekonomia Zirkularreko Alderdi Interesdunen Europako Plataformak, Europako Batzordearen eta Europako Ekonomia eta Gizarte Komitearen ekimen bateratuak, Ekoberrikuntza Euskadin. 105 industria-proiektu soluzio zirkular berrietarako eta Produktu zirkularren katalogoa argitalpenak jaso ditu, Ihobe sozietate publikoak argitaratuak, ekonomia zirkularraren bidez Europako Itun Berdearen anbizioa aurreratzeko jardunbide egoki gisa.

Zabalik dago gazteentzako ekonomia zirkularreko prestakuntza programan izena emateko epea

Sozietate Publikoa Ihobe — Tue, 18 Apr 2023 00:00:00 +0200

Ihobek, Eusko Jaurlaritzako Ingurumen Jarduketarako Sozietate Publikoak, ekonomia zirkularrari buruzko berariazko 5 prestakuntza programa diseinatu ditu, gazteen enplegagarritasuna hobetzeko eta merkatuaren eskariari lan eremu horretan prestatutako pertsonekin erantzuteko. Programak ekonomia zirkularraren arloko doako prestakuntza eta enpresan ordaindutako praktikak egiteko aukera jasotzen du, arlo horretan adituak diren tutoreen laguntzarekin.

Ihobek ekonomia zirkularrari buruzko doako ikastaro berriak eskainiko dizkie jarduneko profesionalei

Sozietate Publikoa Ihobe — Thu, 13 Apr 2023 00:00:00 +0200

Prestakuntza aurreratuko zerbitzuaren esparruan, Basque Circular HUBek aktiboan dauden profesionalentzako prestakuntza programa berri bat proposatzen du. 3 orduko iraupena duten 9 ikastarok osatzen dute programa, eta erakundean ekonomia zirkularraren ikuspegi zabala izateko eta gaur egun gehien erabiltzen diren ingurumen metrikak aplikatzeko antolatu dira. Hauek dira prestakuntza gaiak: gardentasuna eta ingurumen posizionamendua, ingurumen diagnostikorako tresnak, BZArako tresnak, jasangarritasun korporatiboa eta taxonomia, ontzietako ekodiseinua esparru arautzaile berrian eta eraikuntzako jasangarritasuna.

Ekostegunak datozen hilabeteetarako jardunaldien programa argitaratu du

Sozietate Publikoa Ihobe — Tue, 28 Mar 2023 00:00:00 +0200

Ihobe, Eusko Jaurlaritzako Ingurumen Jarduketarako Sozietate Publikoak, aurten ere, Ekostegunak antolatu ditu. Ekostegunak euskal enpresetan ekonomia zirkularra sustatu eta bultzatzeko jardunaldi teknikoak dira. Ekitaldi hauetan, besteak beste, gai hauek lantzen dira: baliabideen eraginkortasuna, hondakinen kudeaketa, ekoberrikuntza eta ingurumenari lotutako lege eta administrazio arloko berrikuntzak. Gainera, jardunaldi hauetan, ingurumen-kontzeptu berriak, metodo eta arau teknikoak, eta enpresei jasangarritasunaren bidean aurrera egiten laguntzeko merkatuaren aukerak eta eskakizunak lantzen dira.

Ihobek eta Tecnunek hitzarmena sinatu dute, euskal enpresetan ekonomia zirkularra bultzatzeko

Sozietate Publikoa Ihobe — Mon, 27 Mar 2023 00:00:00 +0200

Eusko Jaurlaritzaren Ingurumen Jarduketarako Sozietate Publikoak (Ihobe) eta Nafarroako Unibertsitateko Ingeniaritza Eskolak (Tecnun) Ihobe Ikasgela sortzeko hitzarmena sinatu dute, Euskadiko enpresa eta gizarte jardueran iraunkortasuna txertatzeko lan egiteko.

Ihobek gazteen praktika programa berri bat abiatu du enpresetan ekonomia zirkularreko proiektuak garatzeko

Sozietate Publikoa Ihobe — Fri, 24 Mar 2023 00:00:00 +0100

Programa hiru jarduera ildotan banatuta dago, eta ekonomia zirkularreko proiektuak garatzea izango da ardatz nagusia, ekonomia zirkularrean adituak diren pertsonek prestatu dituzten eta horien tutoretzapean diharduten gazteen laguntzarekin. Horrenbestez, euskal enpresek neutraltasun klimatikoari lotutako erronkei erantzun ahal izateko modua erraztu nahi du programak, eta horretarako, arlo honetan gaikuntza eman, eta parte hartzaile diren gazteen enplegagarritasuna hobetuko du.

Zortzi proiektu eraldatzaile 2030. urtean Euskadi jasangarriagoa izateko

Sozietate Publikoa Ihobe — Tue, 21 Mar 2023 00:00:00 +0100

Ekonomiaren Garapen, Jasangarritasun eta Ingurumeneko sailburu Arantxa Tapiak 2030erako Euskadiko Ingurumen Esparru Programa (IEP 2030) osatzen duten 8 proiektu eraldatzaileak aurkeztu ditu gaur, Gobernu Kontseiluaren ondoren. Programa hori Euskadiko ingurumen-politika hamarkadaren amaierara arte gidatuko duen iparrorratza izango da. 8 proiektu horiek arazo globalak lantzen dituzte ingurumen-ikuspegitik, eta jardunbide jasangarriagoak sortzeko ekintza disruptiboak egitea aurreikusten dute. Halaber, administrazioa, enpresak eta herritarrak inplikatuko dituzte, baita hainbat sektore ere, hala nola merkataritza, hezkuntza, osasuna, finantzak eta lurraldearen antolamendua.

Ihobek plastikoaren eta kimikaren sektoreetako enpresetan ekonomia zirkularra bultzatu du ETE Zirkularra 2021 laguntza-programari esker

Sozietate Publikoa Ihobe — Fri, 17 Mar 2023 00:00:00 +0100

Ihobe, Eusko Jaurlaritzaren Ingurumen Jarduketarako Sozietate Publikoa eta AVEQ – Kimika EAEko enpresei laguntzen zaizkie jasangarritasunerako eta ekonomia zirkularrerako trantsizioan, ETE Zirkularra 2021 laguntza programari esker.

Ihobek berrikuntzaren alde egin du Euskadiko Eraikuntza Industrializatuari buruzko I. Foroan

Sozietate Publikoa Ihobe — Tue, 31 Jan 2023 00:00:00 +0100

Alexander Boto Bastegieta Ihobeko zuzendari nagusiak parte hartu du Euskadiko Eraikuntza Industrializatuari buruzko I. Foroan. Grupo Noticias taldeak antolatuta gaur Bilbon egin den Foro horren helburua da eraikuntza-eredu horren alde egitearen garrantzia nabarmentzea. Izan ere, eraikuntza-eredu hori dagoeneko errealitate bat da Euskadin, Eusko Jaurlaritzak eta haren sozietate publikoek sustatuta eta sektoreko enpresek ingurumenarekin duten kontzientziazioak eta konpromisoak bultzatuta.

Eusko Jaurlaritzak 18 milioi euro baino gehiago bideratuko ditu, Next europar funtsen bitartez, ekonomia zirkularra sustatzeko laguntzetara

Sozietate Publikoa Ihobe — Wed, 28 Dec 2022 00:00:00 +0100

Eusko Jaurlaritzako Ekonomiaren Garapen, Jasangarritasun eta Ingurumen Sailak 18 milioi euro baino gehiago bideratuko ditu hondakinen araudia inplementatzen laguntzera eta ekonomia zirkularra sustatzera zuzendutako 79 proiektu bultzatzeko.

Ekonomia zirkularrari eta ekoberrikuntzari buruzko gako guztiak Ihoberen ‘En verde – Berdean’ podcastean

Sozietate Publikoa Ihobe — Fri, 23 Dec 2022 00:00:00 +0100

Ihobek ezagutza transferitzearen eta bere jarduera enpresei, erakundeei eta herritarrei hedatzearen aldeko apustuari eusten dio, ‘En verde – Berdean’ podcastaren bitartez: jasangarritasunari eta ingurumenari buruzko kanala, Eusko Jaurlaritzaren Ingurumen Jarduketarako Sozietate Publikoak bultzatua.

Ehun gaztek baino gehiagok ekonomia zirkularrari buruzko prestakuntza jaso dute 2022an, Basque Circular Hub ekimenari esker

Sozietate Publikoa Ihobe — Fri, 16 Dec 2022 00:00:00 +0100

Eusko Jaurlaritzako Ingurumen Jasangarritasuneko sailburuordea, Amaia Barredo, Basque Circular Hubaren bitartez ekonomia zirkularrari buruzko prestakuntza espezializatua eta enpresako praktikak 2022an jaso dituzten gazteen bigarren promozioarentzako –ehun gazte baino gehiago izan dira- diplomak banatzeko ekitaldiaren burua izan da.

Eusko Jaurlaritzak 5 milioi euroko dirulaguntza emango die euskal industriaren ingurumen-hobekuntzarako 100 proiekturi

Sozietate Publikoa Ihobe — Mon, 12 Dec 2022 00:00:00 +0100

Guztira 73 enpresak ¬¬–horietako gehienak ETEak¬– jasoko dituzte ingurumena babestera bideratutako inbertsioak egiteko laguntzak. Enpresen eta administrazioaren arteko lankidetza publiko-pribatu horrek ingurumen-hobekuntzak bultzatzen ditu, «Ekonomia Zirkularraren eta Bioekonomiaren 2024rako Planean» eta EAEko Hondakinak Prebenitzeko eta Kudeatzeko 2030erako Planean ezarritako helburuak betetzen laguntzeko: Hondakinak baliabide gisa eraldatuz (T-Res-En-R).

Lankidetza publiko-pribatuak 105 proiektu ekoberritzaile bultzatu ditu Euskadin, irtenbide zirkular arrakastatsuekin

Sozietate Publikoa Ihobe — Fri, 25 Nov 2022 00:00:00 +0100

Eusko Jaurlaritzaren Ingurumen Jarduketarako Sozietate Publikoak, Ihobek, Euskadiko ekoberrikuntzari buruzko gida bat aurkeztu du gaur Basque Circular Summiten.

115 euskal enpresek ekodiseinatutako produktuek Euskadiren konpromiso zirkularraren adibide errealak erakusten dituzte

Sozietate Publikoa Ihobe — Fri, 25 Nov 2022 00:00:00 +0100

Ekonomia zirkularraren eta ekodiseinuaren arloan euskal enpresak egiten ari diren lanaren benetako adibideak Ficoba erakustazokan (Irun) ikus daitezke. ‘Zirkularrak’ erakusketa ibiltaria atzo inauguratu zen Basque Circular Summit 2022an. Hainbat industria-sektoretatik heldu diren 175 produktu jasangarri eta Euskadin ekodiseinatuek osatzen dute bilduma hau. Erakusketa datorren azaroaren 27ra arte egongo da zabalik.

Alexander Boto: “Ekonomia zirkularra lehiakortasuna da; ekonomia da”

Sozietate Publikoa Ihobe — Thu, 24 Nov 2022 00:00:00 +0100

Basque Circular Summiten bigarren jardunaldiak protagonismoa emango die gaur ETEei, ezinbestekoak baitira EBko ekonomiarentzat, Europako enpresen % 99 eta sektore pribatuko enpleguen bi heren baitira. Alexander Boto, Ihobeko zuzendari nagusiak, ‘Ekonomia zirkularraren aldeko apustua Euskadin’ mahai-inguruan nabarmendu du “ekonomia zirkularra lehiakortasuna dela, ekonomia dela”, eta administrazioaren erronkatzat ingurumen-fiskalitatea aipatu du, “Euskadik bere BPGren %1,6 baitu ingurumen-zergetan, eta Europako batez bestekoa %2,4 baita”.

Basque Circular Summit-ek ekonomia zirkularra aurkezten du euskal industria deskarbonizatzeko funtsezko tresna gisa

Sozietate Publikoa Ihobe — Wed, 23 Nov 2022 00:00:00 +0100

Euskal enpresek paparra ateratzen dute ekonomia zirkularrean, eta Europako Batzordeak ezarritako ingurumen-eskakizunei aurrea hartzen diete. Horrela geratu da islatuta gaur Basque Circular Summit 2022aren irekieran. Estatuko eta Europako hegoaldeko topaketa garrantzitsuenetako bat da esparru honetan, eta industria-sektore askotako 600 profesional baino gehiago erakarri ditu Irunera, negozio-eredu jasangarriagoak eta lehiakorragoak ezagutzeko. Hiru eguneko iraupena duen industria-gailur honekin batera, Euskadin egindako 175 produktu zirkular erakutsiko dira.

Tapiak ekonomia zirkularra bultzatzeko ekodiseinuari buruzko araudi berria defendatu du EBko Ingurumeneko Ministroen Kontseiluan

Sozietate Publikoa Ihobe — Mon, 24 Oct 2022 00:00:00 +0200

Astelehen honetan, Arantxa Tapia sailburuak Europar Batasuneko Ingurumeneko Ministroen Kontseiluan parte hartu du Luxenburgon, autonomia-erkidegoen izenean, Europako Araudiaren proposamenaren aurrean duten jarrerari buruz hitz egiteko. Araudi horren helburua, produktu jasangarriei aplikatu beharreko ingurumen-diseinuko baldintzak ezartzea da.

Azaroaren 10era arte zabalik dago 'Zirkularrak - Circulares' erakusketan produktu zirkularrak barne hartzeko epea

Sozietate Publikoa Ihobe — Mon, 17 Oct 2022 00:00:00 +0200

Ihobe Eusko Jaurlaritzaren Ingurumen Jarduketarako Sozietate Publikoak zabalik du ‘Zirkularrak- Circulares’ erakusketan produktu zirkularrak barne hartzeko epea. Asteklimaren eta Gasteizko Europako hiriburu berdearen hamargarren urteurrenaren inguruan inauguratu ondoren, erakusketa ibiltaria Irungo FICOBA erakustazokan izango da ikusgai azaroaren 23tik 27ra bitartean, Europako hegoaldeko ekonomia zirkularreko topaketarik handiena den Basque Zirkular Summit biltzarra dela eta.

Ihobek ekoberrikuntza defendatu du Irlandan, enpresetan ekonomia zirkularra bultzatzeko tresna gisa

Sozietate Publikoa Ihobe — Fri, 07 Oct 2022 00:00:00 +0200

Ihobe sozietate publikoko ekoberrikuntzan eta ekonomia zirkularrean aditua den Ander Elgorriagak Irlandan aurkeztu ditu Euskadik ekoberrikuntzan lortutako aurrerapenak, emaitzak eta jardunbide egokiak, ekonomia zirkular baterantz aurrera egiten lagungarri direnak. Europako Batzordearen ingurumen-arloko TAIEX aditu-taldearen ekonomia zirkularrari buruzko nazioarteko lantegian izan da, urriaren 4tik 6ra Midlands-en (Irlanda), eta hitzordu garrantzitsua da ekonomia zirkularreko ezagutzak eta praktika hobeak trukatzeko.

Ihobek ‘KLIMAMETRAJE’ abiatu du: gazteentzako bideo-lehiaketa bat, klima-aldaketaz 90 segundotan kontzientziatzera zuzendua

Sozietate Publikoa Ihobe — Wed, 05 Oct 2022 00:00:00 +0200

ASTEKLIMA - Euskadiko Klima eta Energiaren Astearen baitan, eta Gazteriaren Europako Urtearekin batera, Ihobe - Eusko Jaurlaritzako Ingurumen Jarduketarako Sozietate Publikoak klima-aldaketari buruzko film laburren I. gazte-lehiaketa antolatu du, 'KLIMAMETRAJE' izenburupean, helburu bikoitzarekin: euskal gazteriak klima-aldaketak Euskadin duen inpaktuaren inguruan duen ikuspegia ezagutzera ematea; eta herritarrak kontzientziatzea, sentsibilizatzea eta mobilizatzea. Izena emateko epea 2022ko azaroaren 18ra arte egongo da zabalik.

Eusko Jaurlaritzak ekonomia zirkularra bultzatzen du, Gasteizen Basque Circular Hub zentroaren beste egoitza bat irekitzearekin

Sozietate Publikoa Ihobe — Tue, 04 Oct 2022 00:00:00 +0200

Amaia Barredo Eusko Jaurlaritzako Ingurumen Jasangarritasuneko sailburuordeak eta Gorka Urtaran Gasteizko alkateak gaur goizean Gasteizen inauguratu dute Basque Circular Hub Euskadiko ekonomikoa zirkularreko zerbitzu aurreratuen zentroaren beste egoitza bat.

“Zirkularrak-Circulares” erakusketak Euskadin egindako produktu zirkularrak erakutsiko ditu Gasteizen

Sozietate Publikoa Ihobe — Sun, 25 Sep 2022 00:00:00 +0200

Erakusketa ibiltaria Europa Biltzar Jauregian bisitatu ahal izango da urriaren 2ra arte, Green Capitalen 10. urteurrena ospatzeko goi bilerarekin bat eginda: Hiri eredu jasangarriak. Erakusketaren esparruan, herritarrei zuzendutako jarduera ugari egingo dira aldi berean, baita “Produktu zirkularrak eta ekodiseinatuak: Gasteizko enpresen esperientzia praktikoak” jardunaldia ere, besteak beste.

Basque Circular Hub-eko doako prestakuntza eta praktikak ekonomia zirkularrean fokua: produktuen ekodiseinua

Sozietate Publikoa Ihobe — Thu, 22 Sep 2022 00:00:00 +0200

Graduko azken urtean dauden gazteek 80 orduko ikastaro erdi-presentziala eta ikasketekin bateragarria egin ahal izango dute. Ikastaroa eta gero, euskal enpresetan praktika ordainduak egiteko aukera izango dute.

Ekonomia zirkularrari buruzko doako ikastaroak jarduneko profesionalentzat

Sozietate Publikoa Ihobe — Wed, 21 Sep 2022 00:00:00 +0200

Ihobek, Basque Circular Hub-en bidez, doako 7 ikastaro eskaintzen ditu jarduneko profesionalei zuzenduta, ekonomia zirkularraren bidez beren lehiakortasuna hobetzen duten enpresetan oinarrizko ezagutza bat integratzeko.

Basque Circular Hub-ek enpresak bilatzen ditu ekonomia zirkularreko proiektuak aditu gazteekin lankidetzan garatzeko

Sozietate Publikoa Ihobe — Tue, 20 Sep 2022 00:00:00 +0200

Ihobek deialdi berri bat ireki du ekonomia zirkularreko proiektuak bultzatu nahi dituzten eta horretarako interesa duten enpresen lankidetza bilatzeko, Basque Circular Hub-eko talentu gazteen laguntzaz.

Ekonomia zirkularraren eredua eta eredu horrek industriaren lehiakortasunean duen inpaktua izango dira Basque Circular Summit 2022ren ardatzak

Sozietate Publikoa Ihobe — Mon, 22 Aug 2022 00:00:00 +0200

Ihobe sozietate publikoak Basque Circular Summit 2022 antolatuko du azaroaren 23tik 25era Ficoba erakustazokan, Irunen, “Walking the talk” (Praktikan jartzea) lelopean. Europa osoko 500 espezialista bilduko ditu biltzarrak, eredu ekonomiko zirkularreranzko trantsizioak industriarako zer inplikazio dituen aztertzeko eta eredu horrek industria-sektore desberdinei eskaintzen dizkien negozio-aukerei eta enpresa-lehiakortasunaren hobekuntzari buruz eztabaidatzeko.

Ihobek ekonomia zirkularreko sektore-gakoak eman ditu, lehiakortasunerako aurrea hartzeko ikuspegitik

Sozietate Publikoa Ihobe — Thu, 04 Aug 2022 00:00:00 +0200

Basque Circular Hub zentroak —Eusko Jaurlaritzako Ingurumenaren Kudeaketarako Sozietate Publikoak (Ihobe) kudeatutako ekimen bat, prestakuntzaren eta ezagutzaren transferentziaren arlokoa— Circular Berrindartzea 2021 programa garatu zuen 2021ean, helburu bikoitz batekin: Euskadin gazteen enplegua sustatzea eta euskal enpresa txiki eta ertainek ekonomia zirkularrarekin lotutako erronkei aurre egin diezaieten erraztea.

Vitoria-Gasteizek hartuko du Euskadin fabrikatutako produktu zirkularren erakusketa, irailaren 24tik urriaren 2ra

Sozietate Publikoa Ihobe — Fri, 22 Jul 2022 00:00:00 +0200

Irailaren 24tik urriaren 2ra, Vitoria-Gasteizko Europa Biltzar Jauregiak hartuko du Euskadin fabrikatutako produktu zirkularren “Zirkularrak-Circulares” erakusketa. Erakusketak produktuen katalogo zabal bat jasotzen du, zeinetan ekodiseinu-metodologiak aplikatu diren bizi-zikloaren ikuspegiarekin. Beraz, haien ingurumen-inpaktua nabarmen murriztu dute, Europako industria-sektore osorako eredu bihurtuz. Erakusketa doakoa izango da, eta bisita gidatuak eskainiko ditu, parte-hartzaileek xehetasunez ezagut ditzaten produktu horiek dakartzaten ingurumen-hobekuntzak.